Endemis vitleysa er þetta.

Ég skil ekki þá áráttu hjá fréttafólki að segja eða skrifa að einhver hafi verið dæmdur í fangelsi "skilorðsbundið". Ef það er engin fangelsisvist þá fær aðillinn skilorðsbundinn dóm punktur.  Það er aðeins hægt að segja, ef skilorð er inblandað, t.d. : Að einhver hafi verið dæmdur 4 ár i fangelsi þar af 3 ár skilorðsbundin, það er að segja situr inni 1 ár og fær þriggja ára skilorð.

Gunnar Andersen dæmdur í fangelsi

Athugasemdir

[Hábeinn (IP-tala skráð) 9.5.2014 kl. 10:08]

Það hljómar betur að segja að einhver hafi verið dæmdur í fangelsi skilorðsbundið en að einhver hafi verið dæmdur 1 ár í fangelsi þar af 1 ár skilorðsbundið. Og þó það hljómi e.t.v. best að segja skilorðsbundinn dóm þá er það ekkert réttara, dómurinn er ekki skilorðsbundinn heldur refsingin. Við segjum líka að sólin rísi þó það sé eins gáfulegt og bílstjóri sem segir ljósastaur hafa farið fyrir bílinn. Við tölum um skólagöngu þó okkur sé keyrt og sitjum svo megnið af tímanum. Útlönd en samt eru engin innlönd. Buxur í fleirtölu. Og áramót og mánaðarmót en engin vikumót eða dagamót. Tungumálið er lifandi og sveigjanlegt en ekki ófrávíkjanleg stærðfræðiformúla.