Eru engar kröfur gerðar til blaðamanna?

Það er ótrúlegt hversu margar villur og vitleysur sleppa framhjá blaðamönnum.

Í þessari frétt er fjallað um "flutninga skip" ekki tank skip og blaðamaðurinn heldur því fram að 950 þúsund lestir af olíu séu um borð. 

Ég vildi gjarnan vita hversu stórt þetta blessaða flutningaskip er, það hlítur að vera ógnvænlega stórt fyrst það hefur eldneytistanka sem eru þrisvar sinnum stærri en stærsta tankskip heims Suo Han sem er 318 þúsund lestir.

Hún er orðin þreytandi þessi árátta fréttafólks að þurfa blása allar fréttir upp í eitthvað sem er ennþá verra en það er og mætti það læra að segja satt og rétt frá.

Reynt að hindra olíumengun frá strönduðu skipi

Athugasemdir

[itg (IP-tala skráð) 5.4.2010 kl. 08:54]

Þetta er ekki villa, þetta er vanþekking,.

[Haraldur Axel Jóhannesson, 5.4.2010 kl. 09:19]

Vanþekking er engin afsökun, maður reiknar með að blaðamenn þurfi að hafa fleiri hæfileika en að kunna nota "copy-paste"

[Jack Daniel's, 5.4.2010 kl. 09:20]

Ætli það sé ekki líka vegna þess að það er verið að þýða upp úr erlendum fjölmiðlum og í stað þess að beita íslensku orðalagi sem ætti betur við, þá er þetta þýtt beint upp og klístrað á netið.

Ömurlega leiðinleg vinnubrögð og ákaflega léleg.

[Þórarinn S. Magnússon (IP-tala skráð) 5.4.2010 kl. 09:27]

Ég verð nú að taka hattinn af fyrir þessum svokölluðu blaðamönnum, er engin heilbrigð skynsemi í kollinum á þeim.

Sjálfur hef ég verið yfirmaður á stóru olíuskipi, var 8unda stærsta þá, og flutti 408 þúsund tonn af hráolíu.

Gat ekki annað en brosað vel við þennan lestur, annars er þeim vorkunn, það er svo mikið í gangi hér á Fróni núna.

Ég hef siglt um Great Barrier Reaf og veit best sjálfur að þetta verður meiriháttar slys ef ekki tekst að stoppa lekann.

Ein fallegasta siglingaleið heims.  Þórarinn S. Magnússon

[Grefillinn Sjálfur - Koma svo! (IP-tala skráð) 5.4.2010 kl. 09:35]

Svona, svona, takið smá Pollýönnu á þetta: Ef blaðamenn gerðu ekki mistök þá hefðu sumir ekkert til að blogga um!

[Ragnar (IP-tala skráð) 5.4.2010 kl. 10:04]

Minnist þess þegar fréttamenn RÚV lásu aftur og aftur frétt um að vörubíll með 22 þúsund tonn af fiski hefði oltið. Það þarf stórt skip til að flytja það magn en auðvitað var bíllinn með 22 tonn eða 22 þúsund kg.

Svo skrifuðu blaðamenn MBL að stærsta skip sem kom til Ísland það sumarið væri 110 tonn en auðvitað var það 110 þúsund tonn.

Held að börn eigi að vera fær um að fara rétt með þessar einingar um 12 ára aldurinn.

[Óskar G (IP-tala skráð) 5.4.2010 kl. 12:16]

Þetta er "bulker" lausafarmsskip fullt af kolum.

Þessi tæplega 1000 tonn/lestir af olíu er eldsneyti skipsins.

Ég get ekki betur séð en að fréttin sé rétt.

Einnig má sjá á myndinni að lekinn er rétt fyrir framan brúnna á skipinu, einmitt þar sem líklegast er að finna eldsneytistanka skipsins.

[Haraldur Axel Jóhannesson, 5.4.2010 kl. 12:39]

@ Óskar málið er að fréttin segir tæplega million lestir ekki 1000